Debate público: Políticas de I+D e cultura científica

Debate con representantes de Partido Popular, Partido Socialista de Galicia, Bloque Nacionalista Galego, En Común e Marea Galeguista no marco da campaña electoral para as eleccións do 12 de xullo.

Contará coa participación de Borja Verea, candidato número 11 do PPdeG pola provincia da Coruña; Julio Torrado, número 4 do PSdeG pola provincia de Pontevedra; o investigador Hadrián Cordido, en representación do BNG; David Bruzos, número 1 de En Común pola provincia de Ourense; e Iván R. Lombardero, cabeza de lista da Marea Galeguista pola provincia de Lugo. O divulgador científico Manuel Vicente, membro da xunta directiva de Divulgacción e responsable do programa da Radio Galega Efervesciencia, moderará a sesión. O público poderá facer chegar as súas preguntas aos participantes través do mesmo YouTube e de Twitter, mencionando a @divulgACCION e empregando o cancelo #debateciencia.

Na canle de YouTube de DivulgAcción, nesta ligazón https://www.youtube.com/watch?v=nXD4njuTcYU&feature=youtu.be